O adi kitab satıcısı idi. Lakin bir gün verdiyi qərarın sayəsində o illərlə dünyanın ən varlı insanı statusuna sahib oldu. Təbii ki, o, bu qərarı verəndə həyatının necə dəyişəcəyindən xəbərsiz idi. Həmin zamanları belə ifadə edir: “Uğursuz olsam bundan peşman olmayacaqdım amma bilirdim ki, cəhd etməsəm buna peşman olacam”. Bu ifadə bilirisinizmi nə qədər insana öz arzularının dalınca getməyə motivasiya verib. Gəlin Jeff-i bir az yaxından tanıyaq.
Ceff Bezos Kimdir?
Sahibkar və e-ticarətin əjdahalarından olan Ceff Bezos 12 yanvar 1964-cü ildə Nyu-Meksiko ştatının Albukerke şəhərində anadan olub. Bezosun kompüterlərə olan heyranlığı kiçik yaşlarından başlayıb. Cef Bezos kiçik yaşlarından onun müxtəlif elmi maraqlarına uyğun gələn qeyri-adi mexaniki istedad nümayiş etdirib. O, yeniyetmə ikən kiçik bacılarını otağına buraxmamaq üçün elektrik siqnalı hazırlayıb. Ceffin ailəsi sonda ondan bütün əşyalarını qaraja aparmasını xahiş edib və o bundan sonra qarajı elmi layihələri üçün laboratoriyaya çevirdi.
Bezos Prinston Universitetində fizika öyrənmək istəyirdi, lakin kompüter sevgisi ona qərarını dəyişdirməyə sövq etidi. Prinston Universitetini kompüter elmləri və elektrik mühəndisliyi üzrə bakalavr dərəcəsi ilə bitirdikdən sonra Wall Street-ə getdi və bir neçə maliyyə firmasında çalışdı.
Burada Bezos DE Shaw investisiya şirkəti ilə maliyyə dünyasına addım atdı. 1990-cı ildə o, şirkətin tarixində ən gənc baş vitse-prezident oldu. Məhz bu şirkətdə o, həyat yoldaşı MacKenzie ilə tanış oldu və onlar 1993-cü ildə evləndilər.
DE Shaw-da çalışanda Ceff həyatını və internet tarixinin gedişatını dəyişdirəcək bir rəqəmlə qarşılaşdı. İş üçün yeni təşəbbüslər axtarışında internetdə gəzərkən Bezos Ümumdünya Şəbəkəsinin ayda 2300 faiz artdığına dair bir statistika tapdı. Bezos dərhal məhsulları onlayn satmaq potensialının yüksək olduğunu gördü. Shaw, Bezosu Mərkəzi Parkda uzun bir gəzintidə öz firmasında qalmağa inandırmaq üçün əlindən gələni etdi, lakin Ceffin qərarı qəti idi
Qarajda yaranan Amazon.com
Bezos 1994-cü ildə DE Shaw-dan ayrıldı və onlayn kitab mağazası açmaq və internet dünyasına daxil olmaq üçün Seattle’a köçdü. O, internet üzərindən sata biləcəyi mümkün məhsulların, o cümlədən CD-lər, proqram təminatı və avadanlıqların siyahısını tərtib etdi. İnternet mağazasının digər mağazalardan daha bir üstünlüyü o idi ki, ABŞ Ali Məhkəməsi fiziki iştirakı olmayan poçt sifarişlərinin vergi ödəməli olmadığına qərar verdi. Başqa sözlə, Bezos internet vasitəsilə satdığı məhsullara sıfır vergi ödəməli olacaqdı.
Ceff Bezos, ailəsi və dostlarından 1 milyon dollar toplaya bildi ki, bu da Sietldəki evinin qarajında biznesini qurmaq üçün kifayət etdi. 16 iyul 1995-ci ildə o, məşhur Cənubi Amerika çayının adını daşıyan Amazon.com-u açdı. Bezos 1998-ci ildə CD və kitab satışı ilə Amazon-u şaxələndirməyə davam etdi və daha sonra paltar, elektronika, oyuncaq və daha çox şey üçün pərakəndə tərəfdaşlıq qurdu. Bir çox dot.com saytları 90-cı illərin əvvəllərində iflasa uğrasa da, Amazon inkişaf etdi və 1995-ci ildə 510.000 dollarlıq illik satışları 2011-ci ildə 17 milyard dolları keçdi.
2006-cı ildə Amazon.com tələb üzrə video xidmətini işə saldı; Əvvəlcə TiVo-da Unbox Box kimi tanındı, nəticədə Amazon Video Direct olaraq rebrend edildi. 2007-ci ildə şirkət istifadəçilərə kitab seçimində kitab almaq, yükləmək, oxumaq və saxlamaq imkanı verən Kindle proqramını işə saldı. Beləliklə Amazon bu gün dünyanın aparıcı e-ticarət saytlarından birinə çevrilib…
Daha çoxu, daha çoxu, daha çoxu…….
Bezos 2004-cü ildə “Blue Origin” adlı kosmos şirkətini qurdu və bu şirkətin əsas məqsədi “kosmosda daimi insan varlığı” ilə kosmosa uçuşlar üçün yeni texnologiya hazırlamaqdır. Şirkət Sietldən bir qədər kənarda 26 hektarlıq tədqiqat şəhərciyi və Qərbi Texasda özəl raket buraxılış qurğusu var.
5 avqust 2013-cü ildə isə Bezos The Washington Post qəzetini və ana şirkət Washington Post Co ilə əlaqəli digər nəşrləri 250 milyon dollara satın aldı.
2013-cü il dekabrın əvvəlində Bezos bir sıra insan tapşırıqlarını yerinə yetirə bilən dronlardan və uzaqdan idarə olunan maşınlardan istifadə edərək müştərilərə çatdırılma xidmətləri göstərmək üçün “Amazon Prime Air” adlı yeni eksperimental müəssisəyə start verdi. Bu dronlar malları daşıya və şirkətin paylama mərkəzindən 10 mil məsafəyə qədər qət edə bilər.
Bu yeni bizneslər, smartfonlar, televiziya serialları, bulud yaddaşı, hava daşıyıcıları və sosial şəbəkələrlə birlikdə Amazon-u təkcə biznesin ən böyük elektron ticarət saytı deyil, həm də dünyanın aparıcı texnologiya şirkətlərindən birinə çevirib. 2017-ci ilin iyulunda Bezos “Microsoft”un qurucusu Bill Geytsi geridə qoyaraq dünyanın ən varlı adamı olub. Ceff Bezosun ruhlandırıcı hekayəsi bir daha bizə iddialı, uzaqgörən, yaradıcı və təbii ki, iradəli şəxsiyyətlərin necə uğur qazandığını göstərdi. Unutmayın Ceff bütün bunlara cəhd etməsəydi, indi Amerikada yaşayan minlərlə yaşlı kişilərdən biri idi.
